slowly – lost in züri

ja ja es het scho es betzli öberwendig brucht uf das züri use, drum esch dr ufbou ned ar mäss entsprächend langsam sonder rächt zackig gange. u we me mer de scho ufe märit gö, gehts ou märitpriise: handglenk-gschwecht mau pii odr je nach flirt-taktig vom chond. nachemne glognige start u es paar chäs-wii tüsch heimer z’örlike en walliserischi wohnig iigno, während üsi wienerischi delegation met ere grosse chäsbstellig wedr uf boll zrogg ghölberlet esch.

glückliche mändli & weibli war es der Käse?

glückliche mändli & weibli
war es der Käse?

tatechräftig heimer üs am samschtig morge uf dr grossi armstorm gwabnet – schliässlech was wet me be rägnerischem wätter schösch ou mache aus es betzli cho schnouse? ned grad usem bett gheit abr so gäg dr mettag scho sehr zauriich esch das bondgmeschte publikom anetruddlet. u metti nomitag si di fröschi belper knolle scho wäg gsi – haut wi fröschi weggli u sogar d’steine hei si met gschleppt – luegt me ächt ou ir metropole landfroue chochi?

nach es paar leib u chnöueli weniger chäs si mer de zom usstöuer-apero iiglade worde, mer dene freschfröhlech am aperöle u flörte, dosse öper met dorscht u glsocht uf üsi frösch-iiituschte-märit sache eifach dr luna eis is oug ghoue u nome es paar schärbe henderla. drom het de üsi luna grad ir mess (auso fasch im hallestation) gnächtigt u mer hei mou di schönä polizeschte vo oerlike us dr nöchi beguetachtet. uf awiis vo jüre heimer üs de no i dä zörcherisch uusgang gwagt – naja feschte mues me üs ja ned biibrenge

am sonntig heimer deför no eis meh müesse d’stemm öl  u abgang eschs fasch wi am thuner chäsfescht. d’luna het en fleck uf di fählendi schiibe becho, dr henne het üsi verlorni waar wedr zrogg gflörtet u s’härz im wallis verlore u am schluss hets auso nome no es paar wenigi chäsli gha zom zämerume, zack-zackig eschs de gange. ohni schibbe u klarsecht, deför met vöu lärm (onderhaltigs niveau vomene grosselterepäärli) eschs de wedr boll zue gange – met ere iiladig is italiänische schloss (ohni ross, nome weldsöi).