Ab uf Namur

Letscht Wuchenänd simr z drittähöch uf namur nach belgie gfahre u hei dert chli üsi chäsli vorgsteut..

Zersch mau 6 stung im brätschvoue pfüderi ungerwägs, drvo öpe 3 stung im stou, hurti hurti über d gränze, e storch uf dr raststett, fsch ke benzin u ke tankstelle wit u breit churz vor namur u när gd diiiiräkt id mäss ihne

IMG_0134IMG_0135

ehm u wo isch de üse stand? ja de mache mr mau öpis…

IMG_0137

mau aues häre gheiä und…

IMG_0140

tadaaaa

när gömer mau ufd suechi nach üsere wohnig und dr besorgte vermieterin wo scho gmeint het üs isch öpis passiert.. itz bruche mr no öpis znacht u gö das namur chli ga erkunde.. sehr usgstorbe, öpe kes liecht wo brönnt usser ines paarne lustige bars wo offebar nur männer ihne dröfe. nachmne guete rundgang heimer näbscht dönerbudenä ohni bier glich no e beiz gfunge, zwar très chère wie aues z namur aber da gönne mr üs glich s guets belgischs bier u chli moules et frites.

üse 2. tag heimer ire sehr kurlige verrouchnetä bar mitemnä kaffi u leider ohni gipfeli gstartet wo dr bsitzer dr tagesumsatz uf biertecheli usrächnet.. und ab geits ad mäss! ganz tag chli bäuper chnoue zum schnöisle gä u ab und zue es ründeli ar mäss go dräie u chli schöni sache entdeckä.. bim nachbarsstand louft zum glück dr ganz tag dr federer match näbscht sine tuusig putzmaschinenä. nachm fürabä simer wider mau uf restaurant tour gsi i däm lustige städtli u si schlussändlech bimne italiener glandet… anstatt pizza u pasta gits e rognons premiere fürd kim 3 steaks füre jüre ke gmües und e lustige chäuner. u natürlech zum schluss dr klassisch drink ufs huus

day three faht imne sehr sympatische cafe ah wos kaffe und gipfeli für 2 euro git mais seulement à emporter!!! und wider ab ad mäss go chäsli zeigä. i derä haue isches mitlerwilä so heiss dass dr racletteturm zämekrachet isch und dr ganz schlossbärger ufd kim gheit isch. i derä zyt isch chrigu flissig am türle u macht ab und zue e chline umwäg uf brüssel.  nachmne länge tag gits ändlech le cocktail pour les exposants

IMG_0147

chrigu jüre u leopold mit üsne nöie fründe

u witergeits uf beiz suechi was garnidmau so eifach isch z namur.. uf dr suechi heimer drfür di tolltsi bar gfunde mit dä bestä wedele würschtli

IMG_0349IMG_0148

am 4tä u letschtä tag heimer noeinisch dr plousch ar mäss gha o wenn dr racletteturm no s zwöits mau verseit het.. u am sibni heisst när zämepacke u ga! zackizacki heimer schnäu aues zämegruumet über d strass gröuelet und ab i charä

IMG_0155

itz nurno 6 stung u när simer dehei.. ahnei mir gö glich no schnäu bimne chund verbi! schad isch sini bestellig z’ungerscht… aber merci füre ihsatz chrigu!

IMG_0157

IMG_0348 IMG_0344

Merci belgie und proscht!