Jeeeh!!!!! 😀

Mir hei am disjährigä Buskers mit üsem Stand „Erpresser“  dr Pris aus auer auer auer schönstä Stand gwunnä!  – merci, mir si überwäutigt!

Ah däm Punkt wetti bsunders am Nico für sini hervorragendi Organisation, sis Vertrouä und sini motivierendä Wort dankä. Du bisch üsä Heud!

Eigentläch sött är ou no ä Pris becho! ….mir überlegä nis öbis 😉

z Wien si d Nächt im Momänt chli chürzer aus bi üs im Ämmitau. Z Jumi Wien Team isch am züglä, umbouä, irichtä, dekorierä und und und. Da geit öbis! 🙂

Bis dr nöii Ladä aber cha ufta wärde, geits glich no grad äs Zytli. Qualität brucht bekanntlecherwis sini Zyt – oh wenn üsi fliisigä Biendli vou dranä si! 🙂

Aber hiä schüsch scho mau äs paar Idrück:

Im Showroom vor cucina r54 heimer am Donschdi dörfä für Franke Küchentechnik äs cools Event organisierä. Fasch aues hets gä: Trochäfleischigs, Chäsigs, Tatarigs.. äs wiuds Düränang so z sägä. 🙂

und hei, dr Marc Sway het sogar sini schönstä Bluemä Hosä fürä gnoh! 😉

Dr Nachwuchs steit scho idä Startlöcher. 🙂 Chrigu Mosers Juniorä häufä fliisig mit!

(Achtung Schlichwärbig -> c’est bon Shirt vor chlinä 😉 )